លោក ងួន ប៊ុណ្ណានរៀបចំកិច្ចប្រជុំគណ:កម្មការលទ្ធកម្មស្រុក
01-August-2016 | ដោយ មែន កំសត់
ត្បូងឃ្មុំ៖នាព្រឹកថ្ងៃទី ០១ ខែសីហា ឆ្នាំ២០១៦ នៅសាលាស្រុកអូររាំងឪ បានរៀបចំកិច្ចប្រជុំគណ:កម្មការលទ្ធកម្មស្រុក ក្រោមអធិបតីភាពលោក ងួន ប៊ុណ្ណាន អភិបាលនៃគណៈអភិបាលស្រុកអូររាំងឪ និងជាប្រធានគណ:កម្មការលទ្ធកម្មស្រុក ដើម្បីពិព្រោះថ្លៃ និងបើកសំណើដេញថ្លៃគម្រោងធ្វើផ្លូវបេតុងអាមេប្រវែង ១៧៦ ម៉ែត្រ ដែលជាគម្រោងមូលនិធិស្រុកឆ្នាំ២០១៦ នៅភូមិលេខ១ ឃុំគងជយ័ ដោយភ្ជាប់ពីផ្លូវជាតិលេខ១១ ។
កិច្ចប្រជុំ ខាងលើនេះមានការចូលរួម មន្ត្រីទីប្រឹក្សាគម្រោងផអ៣ មន្ត្រីបច្ចេកទេស ថ្នាក់ដឹកនាំសាលាស្រុក ព្រម និងគណៈកម្មាការលទ្ធកម្ម ស្រុក និងមន្ត្រីពាក់ព័ន្ធជាច្រើននាក់ផ្សេងទៀត។
នាឱកាសនោះលោក ងួន ប៊ុណ្ណាន អភិបាលនៃគណៈអភិបាលស្រុកអូររាំងឪ និងជាប្រធានគណ:កម្មការលទ្ធកម្មស្រុក បានថ្លែងថា ក្រុមប្រឹក្សាស្រុក និងរដ្ឋបាលសាលាស្រុក បាននិងខិតខំកែលម្អសោភ័ណភាព កសាងហេដ្ឋារចនា សម្ព័ន្ធដូចជា គម្រោងធ្វើផ្លូវបេតុងអាមេប្រវែង ១៧៦ ម៉ែត្រ ដែលជាគម្រោងមូលនិធិស្រុកឆ្នាំ២០១៦ នៅភូមិលេខ១ ឃុំគងជយ័ ដោយភ្ជាប់ពីផ្លូវជាតិលេខ១១ ។
ជាមួយគ្នានេះលោកក៏ បានលើកឡើងបន្តថា ចំពោះការដេញថ្លៃគម្រោងមូលនិធិស្រុកនាពេលនេះ តំណាង ដែលបានចូលរួមពិគ្រោះថ្លៃ ត្រូវពិចារណាឲ្យបានហ្មត់ចត់ពីតម្លៃ និងស្ថានភាពទីតាំងគម្រោងស្របតាមគោលការណ៍ណែនាំថ្នាក់ជាតិការ ធានាឲ្យបាននូវតម្លាភាពប្រសិទ្ធភាព ត្រូវគោរពក្រមសីលធម៌ ឲ្យបានតាមស្តង់ដារជៀសវាង ការប្រព្រឹទ្ធអំពើពុករលួយហើយក្រោយពីទទួលបានលទ្ធផលត្រូវមក ចុះកិច្ចសន្យាសាងសង់ និងមិនរត់ចោលកម្រោងដើម្បីរក្សាបានគុណភាពបទដ្ឋានគម្រោង។ស្របតាមនីតិវិធីលទ្ធកម្ម និងបានបានជោគជ័យក្នុងការដេញថ្លៃគម្រោង ព្រោះទទួលបានតម្លៃប្រកបដោយការប្រកួតប្រជែង និងមានតម្លាភាពចំពោះគណៈកម្មការនានា និងសាធារណៈជនអាចទទួលយកបាន៕
ចំនួនអ្នកទស្សនា
- ថ្ងៃនេះ1861
- ម្សិលមិញ2521
- សប្តាហ៍នេះ7421
- ខែនេះ53521
- ឆ្នាំនេះ389781
- សរុប19617227